Forberedelser
- Kjøp eitt eller fleire elektronikkbyggjesett (til dømes frå leikebutikk eller spesialforretning). Vel gjerne sett med mange ulike byggjemoglegheiter.
- Gå gjennom katalogen som følgjer med settet, og vel ut modellar som passar aldersgruppa – eller la speidarane velje sjølv.
- Sørg for at batteri er tilgjengeleg dersom det ikkje følgjer med i settet.
- Set deg inn i kva delar som trengst til dei aktuelle modellane, slik at du kan hjelpe speidarane undervegs.
Utstyr
- Elektronikkbyggjesett (med katalog over byggjemoglegheiter)
- Batteri (dersom det ikkje følgjer med i settet)
Fremgangsmåte
Gjennomføring
- Førebu delane – set deg inn i kva delar som trengst til dei aktuelle modellane før speidarane kjem. Pass på at delane ikkje rotar seg utover, og at berre dei nødvendige delane er tilgjengelege for kvar oppgåve.
- Vel modell – la speidarane velje modell sjølv frå katalogen som følgjer med settet, eller vel ut modellar på førehand som passar aldersgruppa.
- Bygg – speidarane følgjer oppskrifta i katalogen og byggjer modellen. Gje hjelp undervegs der det trengst.
- Rydd – be speidarane rydde delane på plass når dei er ferdige, slik at neste patrulje også må finne fram dei rette delane sjølv.
- Gje ekstraoppgåver – om nokon blir raskt ferdige, kan dei få ein ny og gjerne vanskelegare modell å byggje.
Ressurser
- Elektronikkbygging kan vere ein av aktivitetane når ein tek fordjupingsmerket JOTA/JOTI (ekstern lenke).
Utfordringer og erfaringer
Ta ei vurdering etter at første patrulje er ferdige: Var modellane for vanskelege? Eller for lette? Gjer tilpassingar dersom du rekk det før neste patrulje kjem.
Opplegget er tilpassa ei rundløype under ei JOTA/JOTI-helg, men aktiviteten kan gjerne brukast på eit vanleg speidarmøte i staden.
