Forberedelser
- Legg eit flagg (eller tilsvarande markør) i fotballmålet eller tauringen på kvar banehalvdel.
- Merk tydeleg midtlinja og fengselsområdet på kvar side (t.d. med kjegler).
- Avtal med speidarane at dei får tid til å legge ein plan før spelet startar.
Utstyr
- To fotballmål eller tauringar
- To flagg (eller tilsvarande markørar)
- Kjegler eller tau til å markere midtlinje og fengselsområde
Fremgangsmåte
Del speidarane i to lag (gjerne kull mot kull) med om lag like mange på kvart. Kvart lag har sin eigen banehalvdel, med eit flagg plassert i fotballmålet eller tauringen på si side.
Mål: Kom deg inn på motstandaren sin banehalvdel og ta flagget deira. Få flagget tilbake til din eigen banehalvdel for å score poeng.
Reglar:
- Forsvararane har ikkje lov til å stå nærmare flagget enn tre meter.
- Vert du teken på motstandaren sin banehalvdel, går du i fengsel – eit område på sida av motstandaren sin banehalvdel.
- Ein medspelar kan redde deg frå fengselet ved å kome bort og ta på deg.
- Du kan ikkje verte teken på din eigen banehalvdel.
- Vert du teken med flagget i handa, legg du det ned der du vart teken.
Taktikkpause:
Gi kvart lag 2–3 minutt til å legge ein plan før spelet startar: Kven angrip? Kven forsvarar? Korleis reddar de kvarandre frå fengselet? La kullet diskutere og bestemme sjølve.
Gjennomføring:
Spel fleire rundar på 10–15 minutt. Mellom rundane: Ta ein kort pause der laget evaluerer kva som fungerte og kva dei vil gjere annleis.
Tips til leiaren:
- La speidarane sjølve finne ut av taktikken – ikkje gi svara.
- Oppmuntre til kommunikasjon undervegs i spelet.
- Vurder å innføre variasjonar etter kvart, t.d. at ein kan bere to flagg om gongen.
