Forberedelser
- Legg eit flagg (eller tilsvarande markør) i fotballmålet eller tauringen på kvar banehalvdel.
- Merk tydeleg midtlinja og fengselsområdet på kvar side.
- Set av tid til planlegging i patruljane før spelet startar.
Utstyr
- To fotballmål eller tauringar
- To flagg (eller tilsvarande markørar)
- Kjegler eller tau til å markere midtlinje og fengselsområde
Fremgangsmåte
Del speidarane i to lag (gjerne patruljar) med om lag like mange på kvart. Kvart lag har sin eigen banehalvdel, med eit flagg plassert i fotballmålet eller tauringen på si side.
Mål: Kom deg inn på motstandaren sin banehalvdel og ta flagget deira. Få flagget tilbake til din eigen banehalvdel for å score poeng.
Reglar:
- Forsvararane har ikkje lov til å stå nærmare flagget enn tre meter.
- Vert du teken på motstandaren sin banehalvdel, går du i fengsel – eit område på sida av motstandaren sin banehalvdel.
- Ein medspelar kan redde deg frå fengselet ved å kome bort og ta på deg.
- Du kan ikkje verte teken på din eigen banehalvdel.
- Vert du teken med flagget i handa, legg du det ned der du vart teken.
Planlegging og taktikk:
Gi patruljane 5 minutt til å legge ein strategi før spelet startar. Patruljeføraren leier diskusjonen: Kven angrip? Kven forsvarar? Korleis koordinerer de redningsaksjonar? Korleis tilpassar de planen undervegs?
Gjennomføring:
Spel fleire rundar på 10–15 minutt. Etter kvar runde: Patruljen evaluerer sjølv – kva fungerte, kva vil de gjere annleis?
Variasjonar:
- Nattversjon: Spel i skumring med hovudlykt (krev ekstra sikkerheitssjekk av terrenget).
- Større bane: Bruk eit større naturområde for meir utfordring og fleire taktiske moglegheiter.
- Fleire flagg: Legg ut fleire flagg på kvar side – laget som har flest flagg heime når tida er ute, vinn.
